試下整糕 - 蘿蔔糕篇

先試整蘿蔔糕

時間在過年前的好多好多日，大把時間，一條蘿蔔$4，粘米粉$7，屋企糧倉有東菇蝦米臘腸，還有乾瑤柱。用的方法是Ricky san 的「蒸好」的「蘿蔔條撞粉槳」的方法。水，粉，蘿蔔比例是大約400：200：800。用左個深邊的圓鍋加水，蓋上原有玻璃蓋蒸，蒸了50分鐘。

結果是：成到形，雪好後切開打算煎，一切落去，發覺散開，臘味不算大粒，排除了大粒野阻刀切的假設，試食發覺入口有少許糊口感覺。刀切就大部份都切片失敗，近邊位較好，近中較散。食時加辣加豉油助味，臘味可以。卒之食左幾日才銷完。

試後檢討：有時間就諗下原因，多天思考，卒之斷﹙估﹚定是因圓鍋兩邊有V形鈄口倒水位，即使蓋上玻璃蓋仍有大罅，蒸氣大量逃出，即使蒸了50分鐘都唔到足夠溫度。

到第一輪失敗的蘿蔔糕完全消化後，重整旗鼓，再試第二輪。

網上有人說用日本蘿蔔，即是「大根」去整蘿蔔糕更有風味，所以花$15買了一條試食，確定是否適合個人口味，發覺味似青蘿蔔，都係唔好要來整糕，以免別人誤以為我用了青蘿蔔做糕。所以決定用番傳統中式蘿蔔。

時間已近新年，蘿蔔更靚，又肥又白近透明，今次$6，上次啲粉有剩，唔使買，照舊東菇蝦米臘腸乾瑤柱。其實好想加啲臘肉，但一定用唔曬，以免日後有排食，決定維持「原判」唔加臘肉。

精高的工具改用全圓邊無deep V，非人體工學設計，近中古年代的大圓鍋連蓋，作為最後一擊的重裝武器。

.......